جامعة الجزيرة

[زيرو ع الشمال]

ياحي الله اهل قطر-
تسلم يالغالي وهالصفحه مريت عليها قبل اكتب موضوعي
شرح جميل ولكن .. بعد.. ابا .. اممم
انا بسجل وعلى البركة < اهم شي اسجل وعقب بيحلها ألف حلآل <
انا سمعت ان التسجيل آخر يوم بيكون بآجر " الثلاثاء الموافق 26-1-2010 " صحيح؟؟
اتصلت فيهم قالو رسوم 1200 وتخصص قانون واقتصاد موجود..
واعتقد " نظام اليومين فالاسبوع" انا اللي احدد هاليومين؟؟
يااااااارب سترك < خربانه خربانه بسّجل ..(( زهبو لي بآركن فالجامعه )) ولاتنسون أول 3 ايـام بكون ضيف عندكم " يعني هالله هالله ( < اهم شي الوناسة )

[شعاع الشمس]

لو سمحتوا ابي اعرف عن الاختلاط .. شلون في الجامعة ضروري بليييييييز ابي الرد

[الأموورة]

السلام عليكم

السموحة أخواني وخواتي على مداخلتي...

الصراحه كنت ادور الموقع الالكتروني لجامعة الجزيرة وبالصدفة فتح رابط الملتقى وقريت آرائكم وحواركم... وقلت لازم أسجل..

اتشجعت وايد مع اني سجلت قبل سنة وعقبها ماسرت أكمل الاجراءات
الصراحة ما احب الاختلاط..
لكن شو اسوي .. ومن عقب ماقريت مناقشاتكم عن الجامعة وتفاصيلها
اتصلت بهم.. وباجر بإذن الله بسيرلهم..

محتارة في التخصص ...> أفكر في القانون والاقتصاد .. العلاقات العامة والاعلان...

ساعدوني .. فإتخاذ القرار..


وشكرا والسموحة مره ثانيه ^^

[الحياة لحظات]

هلا فيج اختي

بالنسبة للقانون سهل ودراسته حلوة لو كنتي متابعة اول بأول وتذاكرين اول بأول

تتعلمين اشياء ما كنتي تعرفينها

وطبعا الوظائف موجودة بكل مكان خاصة لخريجي بكالريوس القانون سواء بالداخلية او الخارجية او وزارة العدل الخ..

اما كلية الاعلام انا سمعت عنها سهلة

بس الوظائف ما عندي فكرة عنها

واتمنى لج التوفيق دوم

[حوراء]

انا درست فيها سمر 2 فقط
بصراحه ابدا ما حبيتها

صحيح هي في بداياتها و شوي شوي بتكون اقوى
بس انا ماحب الاختلاط في الدراسه وماحب الميانه الي تكون بين البنات والشباب
شدخل الريال يقول للحرمه هييه هيييه ريلج حبيبج برع سيريله شدخله

ابدا ماحبيت هالميانه ومع انهم فجامعة مختلطه الا ان تحت فالرشبشن يتمون يطالعون الوحده شوي وياكلونها بنظراتهم وايي واحد ماعرفه ولا يعرفني انا واقفه فحال سبيلي فالماليه من بعيد يزاعج يسلم علي
وانا مستغربه من هالوقاحه
كأنه يبا يبين للشباب الي وياه انه يعرفني يخسا ويهبا

جامعة بدت بداية قويه
لكن بصراحه طفره والوحده ماتاخذ راحتها مثل الجامعات المنفصله

الدراسه منفصله احسن بوايد خصوصا لو في ناس مرضى نفسيين اهدافهم ثانيه

طبعا مب الكل عسب لا ايي حد ويحتج

لكن البعض
وكانت تجربه ماراح تنعاد وكنت اتمنى بسرعه يخلص السمر

[M-74]

المشاركة الأصلية كتبت بواسطة حوراء

انا درست فيها سمر 2 فقط
بصراحه ابدا ما حبيتها

صحيح هي في بداياتها و شوي شوي بتكون اقوى
بس انا ماحب الاختلاط في الدراسه وماحب الميانه الي تكون بين البنات والشباب
شدخل الريال يقول للحرمه هييه هيييه ريلج حبيبج برع سيريله شدخله

ابدا ماحبيت هالميانه ومع انهم فجامعة مختلطه الا ان تحت فالرشبشن يتمون يطالعون الوحده شوي وياكلونها بنظراتهم وايي واحد ماعرفه ولا يعرفني انا واقفه فحال سبيلي فالماليه من بعيد يزاعج يسلم علي
وانا مستغربه من هالوقاحه
كأنه يبا يبين للشباب الي وياه انه يعرفني يخسا ويهبا

جامعة بدت بداية قويه
لكن بصراحه طفره والوحده ماتاخذ راحتها مثل الجامعات المنفصله

الدراسه منفصله احسن بوايد خصوصا لو في ناس مرضى نفسيين اهدافهم ثانيه

طبعا مب الكل عسب لا ايي حد ويحتج

لكن البعض
وكانت تجربه ماراح تنعاد وكنت اتمنى بسرعه يخلص السمر

ردج شي طبيعي جدا لان كل مواضيعج ومشاركاتج في بقية المنتديات
انتقاد بانتقاد خاصه جامعة الجزيرة



والله يسهل عليج

[الأموورة]

مشكور اخوي > الحياه لحظات

بتوكل على الله وبختار تخصص القانون والاقتصاد...

والصراحة في البداية سجلت شرات ما قلتلكم وماسرت أكمل الاجراءات عشان (الاختلاط)

مع انه ولد خالتي يدرس هناك وريل خالتي..

بس تميت افكر اهدم مستقبلي عشان (الشباب) طبعا مب كلهم (المرضى)

مجرد التفكير بهالشي اعتبر اني يالسه اهدم مستقبلي..

واتشجعت الصراحه عقب ماقريت مناقشاتكم..

قلت بدرس وماعليه من حد بدرس باذن الله ولا بسوي سالفه للشباب وما بعتبرهم موجودين..

الله ويايه ..

والف شكر لكم جميعا ^^

[M-74]

انا ادرس في جامعه الجزيرة

والاختلاط في الفصول بحدود الدراسه لا اكثر ولا اقل وما يتعدي اكثر من هذا

الا بعض البنات الله يستر عليهم ويهديهم
( اصحاب الميك اب والمكياج الفاحش والي يسون حركات للشباب )

والحمد الله ما سمعت او شفت عن تحرش او حد ضايق بنت بالجامعه

[الأموورة]

صدقت ياخويه... معاك حق <<< ساعات البنات يمصخونها..

[الحياة لحظات]

هلا بك اخوي m74

بخصوص الدراسة بجامعة الجزيرة ممتازة

اما سالفة الميك اب وهذي السوالف هذا الشي راجع للطالب نفسة

واللي يبي يدرس ويبني مستقبله ما يهمه الميك اب وهذي السوالف

اما انتقداد الشخص للشي فيجب انه نحن ما نزعل من الانتقاد

بل نتقبل كل شي ونستفيد