!! حالتك النفسية اليوم ؟؟

[بدور]

ها الاسبوع بدايته مشاغل ...الله يعين لووول

وحالتي النفسية واااااااااااااااااااااااايد مستااانسة والحمد لله ...

انضم عضو يديد وصغيرون للعايلة اسمه (( أحمد )) فديته والله ...

بس ما حصلت فرصة اشوف عيونه نفس عيوني ولا لأ>>>الأخ كله راقد ما شاء الله عليه ..

احلى شي أقول لأمه شكله بيطلع شيطون وياخذ جيناتي ...تقولي خله ياخذ جيناتي بالأول >>>صدقها ....أبدا ما ياخذ من ملامحنا خخخخ

بس مستااانسة عليييه وااايد

[BoO]

المشاركة الأصلية كتبت بواسطة بدور

ها الاسبوع بدايته مشاغل ...الله يعين لووول

وحالتي النفسية واااااااااااااااااااااااايد مستااانسة والحمد لله ...

انضم عضو يديد وصغيرون للعايلة اسمه (( أحمد )) فديته والله ...

بس ما حصلت فرصة اشوف عيونه نفس عيوني ولا لأ>>>الأخ كله راقد ما شاء الله عليه ..

احلى شي أقول لأمه شكله بيطلع شيطون وياخذ جيناتي ...تقولي خله ياخذ جيناتي بالأول >>>صدقها ....أبدا ما ياخذ من ملامحنا خخخخ

بس مستااانسة عليييه وااايد

الله يديم عليج الوناسة يا أحلى بدر البدور

ومبروك عليكم العضو اليديد بالعايلة

ويا ريت تقولين لأختج مبروك العضو الجديد بعايلتها الصغيرونه (؛

وعقبالي خخخخ



وحالتي تعبااااااانه وقاعدة أنتظر الموعد المرتقب بفارغ الصبر

وأتمنى إن تيي اللحظة المنتظرة وأرتاح من هاااا العذاب

[law student]

كل شي نملكهـ فدى السعاآده

بي كوووووول على طووول

زعلان
مضايق
مكتئب
كل هموم الدنيا فوق مخـكـ
مريض
انت الوحيد تقدر تخلي حياتـك كووول جست سمايل
بس اضحـكـ والامور طيييييييبه

:)

[سحآيب]

الحاله النفسيه يايتنها حاله نفسيه عندي ،،

[محامية حلوة]

اناااااااا وايد تعباانه نفسيا هالفترة ،،،،،وايد اشيا صارت لي ،،،،،،،
مب قاادرة اني افرح،،،،،خاطري تردلي الابتسامه ،،،،،،،خاطري ارجع مثل قبل ،،،،،
في وايد اشيا تزعلني،،،،،،بس شو اسوي،،،،الله كريم،،،،،،،،،يقولون الصبر مفتاح الفرج،،،

[بدور]

أفااا والله يا محامية حلوة ...

يختي والله الحياة ما تستاهل ....

تعرفين شو ؟؟ بلهيج بشي قريته وعيبني وااايد ها الفترة ....


خذي كتاب ( محمد عبدالرحمن العريفي ) واسمه ( استمتع بحياتك)....


بصرااحة كتاب ولا أروع ...قريته في اربعة ايام ....


وتضحكين علي لو قلتلج اني ما قدرت افارق الكتاب إلا يوم أخلص قرايته حتى بالسيارة وياي ...استانس يوم تصير الاشارة حمرة عسب يكون عندي كم دقيقة اكمل فيها صفحتين او ثلاث....


دوري عليه لانه ها الكتاب صدق جوهرة ....


والله ييسر أمورج ان شاء الله ويزيل همج ويسعدج دنيا وآخرة والله يوفقج ان شاء الله في حياتج ...





اممممم

وانا حالتي النفسية الحمد لله تمام ..


كل ما أتذكر الحادث اللي صار لي اليوم تيني ضحكة ....


دعمت السيارة اللي جدامي والغلطة كانت مني ....سيارتي ما تضررت واايد بس الشخص الثاني تبهدلت سيارته يحليله ....


احلى شي ونحن نتريا الشرطة كان في سوبرماركت قريب رحنا أنا واختي نتسووق فيه ونشتري اغراض هني وهناك ...( ولا كانه صار حادث قبل شوي )...

بس القاعدة اللي نتبعها هي ( لا تبك على اللبن المسكوب ) ..واللي صار صار ..

الريال يحليله يقولي قبل شهر بعد واحد دعمني نفس الدعمة جااان أقوله أكيد انت مسوي شي غلط في حياتك كل واحد يدعمك .....


أول حادث لي من يوم خذت الليسن قبل 6 شهور >>> طبعا لا تحسبون الابواب واليدران


ويوم الشرطي يسأل صار فيكم شي وتعورتوا قلت له لا بس اختي دقت راسها جدام وفقدت الذاكرة خخخخخ

اللي قلتله عادي بس المشكلة يوم الشرطي صدق السالفة ههههههه

واختي يحليلها تدافع : لا لا ما صار فيني شي ...والله ما فقدت الذاكرة ههههههه

وتوتة توتة خلصت الحتوتة

[محامية حلوة]

ههههههههه، ضحكتيني الصرااحه،،،،سالفتج ساالفة والله،،،،،،،،

ومشكووورة عالكلااام الحلوو ،،،،،،،،،وبسمع كلاامج وبدور على هالكتاب.....

[غلوي]

حآلتـي النفسـيـ‘ه اليـ‘وم ~ متحمســ‘ه

[ViP-QTR]

هههههههههههههههههههههه

غربلآت بليسج يآ بدور

نقعت على سآلفتج من الضحك

انآ حآلتي فووق النخل فوووق

بس لولآ الزكآم والكحه كنت احسن واحسن

[بدور]

^



^

^


^


^


وأنا أقول من وين يتني العدوى ؟؟


ما تشوف شر وان شاء الله تقوم بالسلامة



وانا بعد الكحة ذابحتني وصوتي مبحوح حتى المدير شفق علي وقاعد يخبرني عن طرق العلاج بالاعشاب الطبية


ونفسيتي اليوووم وااايد مستانسة بالمطر والجو الحلووو